FUNGUO TATU ZA MAOMBI NA KUPATA MAJIBU

           “Nami nawaambia,ombeni nanyi mtapewa,tafuteni nanyi mtaona,bisheni nanyi mtafunguliwa”

            (LUKA 9:11).

Maombi ni sehemu ya msingi /muhimu sana kwenye mahusiano yetu na Mungu.Lakini mara nyingi tumekuwa tukipuuzia daraja hili la msingi la mawasiliano kati yetu na Mbingu.Mara nyingi inatokea hii kwa sababu hatujui kuomba au tuombe mara ngapi.

            “Kadhalika Roho naye hutusaidia udhaifu wetu,kwa maana hatujui kuomba jinsi ipasavyo,lakini  Roho mwenyewe hutuombea kwa kuugua kusikoweza kutamkwa”

            (WARUMI 8:26).

Hii inaonyesha wazi kabisa ni jinsi gani wanadamu hatujui kuomba ipasavyo.

KUOMBA IPASAVYO NI NINI?

Kuomba ipasavyo ni namna ya kuomba /kumwendea Mungu na kupata majibu au kupata sababu za kutokupata majibu yako.Wanafunzi wa Yesu waliona maombi yalivyokuwa na madhara katika maisha ya Yesu.Yesu alitumia muda wake mwingi kwenye Maombi na peke yake.Wanafunzi baadae wakagundua kuwa nguvu ambazo Yesu anaonekana anazo na utukufu wake wote ni matokeo ya mahusiano mazuri ambayo alikuwa nayo na baba yake (Mungu).

Walipomuuliza juu ya maombi, Yesu aliwaambia hii hadithi.

“Akawaambia, ni nani kwenu aliye na rafiki akamwendea usiku wa manane na kumwambia rafiki yangu nikopeshe mikate mitatu. kwa sababu rafiki yangu amefika kwangu atoka safarini name sina kitu cha kuweka mbele yake.Na yule wa ndani amjibu,akisema usinisumbue mlango umekwisha fungwa nasi tumelala kitandani mimi na watoto wangu siwezi kutoka nikupe?Nawaambia ya kwamba ijapokuwa hatoki ampe kwa kuwa ni rafiki yake lakini kwa vile asivyoacha kumwomba,atatoka na kumpa kadri ya haja yake. Nami nawaambia,ombeni nanyi mtapewa,tafuteni nanyi mtaona,bisheni nanyi mtafunguliwa.kwa kuwa kila aombaye hupokea na kila atafutaye huona  naye abishaye atafunguliwa.”

(LUKA 11 5-10).

Funguo tatu au mambo matatu ambayo yesu ameyatoa ili kupata majibu yeu katika maombi ni USTAHIMILIVU (USUGU), MAKUSUDI NA MAHUSIANO.

Ø  USTAHIMILIVU(USUGU)

Funguo ya kwanza ya kujibiwa maombi ni ustahimilivu (kung’ang’ania).Mungu anatutaka sisi kushikilia ipasavyo ahadi zake katika maombi.Maombi yetu yote yajengwe kwenye ahadi zake yeye.

“Katika hadithi hapo juu,yesu hasemi kuwa huyo mtu ataamka kumpa mwenzake mkate kwa sababu ni marafiki,hasha.Ila ataamka na kumpa mwenzake ile mikate kwa sababua anamsumbua kwa kung’ang’ania kwake.”

Ukisoma kigiriki LUKA 11:10 inaweza kutafsiriwa hivi “omba na uendelee kuomba utapewa,tafuta na uendelee kutafuta utapata,bisha na uendelee kubisha mlango na utafunguliwa”

Tukimuomba Mungu,ameahidi kutupa,Lakini inabidi tusubirie wakati sahihi wa Mungu.Maandiko yanasema yeye hawahi wala hachelewi.

Ø  MAKUSUDI (BE PURPOSEFUL)

Biblia inasema,sababu kubwa ya sisi kutokupokea vipawa vya Mungu ni kwa sababu hatujaomba (YAKOBO 4:2).Mungu anataka watoto ambao wapo tayari kuota ndoto zake.

Yule mtu kwenye ile hadithi alijua kitu anachokitana na alikuwa na makusudi maalumu ya kwenda kugonga mlango wa rafiki yake CHUKUA HAJA ZAKO NA UMJARIBU MUNU KWENYE MAOMBI

“Nawe utajifurahisha kwa Bwana,naye atakupa haja za moyo wako”

(ZABURI 37:4).

                MAHUSIANO NA BABA (PERSONAL RELATIONSHIP)

Kitu cha muhimu sana kwenye maombi yenye majibu ni mahusiano mazuri na baba wa mbinguni.Yule mtu kwenye ule mfano pale juu,alimwendea rafiki yake pindi alipokuwa na shida kwa sababu aliamini,rafiki yake pekee ndiye angeweza kumsaidia.

Watu wawili kwenye biblia ambao wanasifiwa,au wanaonekana kuwa na Imani kubwa ni Musa na Ibrahimu.Lakini wawili hawa walifanikisha njia yako kwa sababu walikuwa na mahusiano ya kipekee na Mungu. YAKOBO 2:23 inasema ibrahimu alikuwa rafiki wa Mungu na KUTOKA 33:11 inasema kuwa Bwana alikuwa anaongea na Musa uso kwa uso,kama mtu anavyoongea na rafiki yake.Watu hawa walifanya maajabu ulimwenguni.KWANINI WALIFANYA MAAJABU?.....

Lakini kumbuka,inachukua muda kuwa na mahusiano ya karibu sana na Mungu.Unaanza  kwa kunuhusisha Mungu kwenye  mambo ya maisha yako ya kila siku,tenga muda maalumu kwa ajiri ya usomaji wa biblia,anza kuombea rafiki zako pia kumbuka kumshukuru Mungu kwa yale ambayo anajibu kila siku.